വിതരണ ഉദ്ഘാടനം വലപ്പാട് ഗ്രാമപഞ്ചായത്ത് പ്രസിഡന്റ് ഷിനിത ആഷിക് നിര്വഹിച്ചു.
വലപ്പാട് ഗ്രാമപഞ്ചായത്ത് 2023 -24 ജനകീയാസൂത്രണ പദ്ധതിയില് ഉള്പ്പെടുത്തി ഇടവിള കിറ്റുകള് വിതരണം ചെയ്തു. വിതരണ ഉദ്ഘാടനം വലപ്പാട് ഗ്രാമപഞ്ചായത്ത് പ്രസിഡന്റ് ഷിനിത ആഷിക് നിര്വഹിച്ചു. കൃഷി ഓഫീസര് ലക്ഷ്മി പദ്ധതി വിശദീകരണം നടത്തി. ഇഞ്ചി, മഞ്ഞള്, ചേന, ചേമ്പ്, കാച്ചില് തുടങ്ങിയവയാണ് 500 രൂപയുടെ കിറ്റില് ഉള്പ്പെടുത്തിയിരിക്കുന്നത്. ഗ്രാമപഞ്ചായത്തിന്റെയും ബ്ലോക്ക് പഞ്ചായത്തിന്റെയും ഫണ്ട് വിനിയോഗിച്ചാണ് 750 ഗുണഭോക്താക്കള്ക്ക് സൗജന്യമായി കിറ്റുകള് നല്കിയത്.
ഗ്രാമപഞ്ചായത്ത് വൈസ് പ്രസിഡണ്ട് വി.ആര് ജിത്ത് അധ്യക്ഷത വഹിച്ചു. ആരോഗ്യ സ്റ്റാന്റിംഗ് കമ്മിറ്റ് ചെയര്പേഴ്സണ് ജ്യോതി രവീന്ദ്രന്, ഇ.പി അജയഘോഷ്, ബി.കെ മണിലാല്, രശ്മി ഷിജോ, സിജി സുരേഷ്, കൃഷി ഭവന് പ്രതിനിധികള്, ഗുണഭോക്താക്കള് തുടങ്ങിയവര് പങ്കെടുത്തു.