ജില്ലാ പഞ്ചായത്ത് പ്രസിഡന്റ് വി എസ് പ്രിന്‍സ് ഉദ്ഘാടനം ചെയ്തു.
വിവിധ മേഖലകളിലുള്ള തൊഴില്‍ ദാതാക്കളെ സഹകരിപ്പിച്ച് ജില്ലാ കുടുംബശ്രീ മിഷന്‍ സംഘടിപ്പിച്ച തൊഴില്‍മേള ”ടാലന്റ് വേവ് 24” ഉദ്യോഗാര്‍ഥികളുടെ പങ്കാളിത്തത്താല്‍ ശ്രദ്ധേയമായി. ജില്ലാ പഞ്ചായത്ത് പ്രസിഡന്റ് വി എസ് പ്രിന്‍സ് ഉദ്ഘാടനം ചെയ്തു. ഡി ഡി യു ജി കെ വൈ, കേരള നോളജ് ഇക്കണോമി മിഷന്‍ എന്നീ പദ്ധതികള്‍ സംയുക്തമായി സംഘടിപ്പിച്ച തൊഴില്‍ മേളയില്‍ 2800 ഓളം ഒഴിവുകളിലേക്കായി കേരളത്തിനകത്തും പുറത്തുമുള്ള വ്യത്യസ്ത മേഖലയിലുള്ള 45 കമ്പനികള്‍ പങ്കെടുത്തു. 932 ഉദ്യോഗാര്‍ഥികള്‍ നിന്നായി 438 പേരെ ജോലിക്കായി ചുരുക്കപ്പട്ടികയില്‍ ഉള്‍പ്പെടുത്തി.
കുടുംബശ്രീ ജില്ലാ മിഷന്‍ കോ-ഓര്‍ഡിനേറ്റര്‍ ഡോ. എ കവിത അധ്യക്ഷയായി. അസിസ്റ്റന്റ് ജില്ലാ മിഷന്‍ കോ-ഓര്‍ഡിനേറ്റര്‍മാരായ എസ് സി നിര്‍മ്മല്‍, കെ രാധാകൃഷ്ണന്‍, എ സിജുകുമാര്‍, ജില്ലാ മിഷന്‍ പ്രോഗ്രാം മാനേജര്‍ സിത്താര, അസിസ്റ്റന്റ് ജില്ലാ മിഷന്‍ കോ-ഓര്‍ഡിനേറ്റര്‍ കെ കെ പ്രസാദ്, ജില്ലാ പ്രോഗ്രാം മാനേജര്‍ എ കെ വിനീത തുടങ്ങിയവര്‍ പങ്കെടുത്തു.
