കൊടുങ്ങല്ലൂർ : കൊടുങ്ങല്ലൂർ ക്ഷേത്രത്തിലെ ജീവനക്കാർ 30-03-2025 തിയ്യതി രാത്രി 07.00 മണിക്ക് ഭണ്ടാരം തുറന്ന് പണമെടുക്കുന്ന സമയം തുറന്ന് കിടന്ന ഭണ്ടാരത്തിൽ കൈയ്യിട്ട് ഒരാൾ നോട്ടുകൾ മോഷ്ടിക്കുന്നതായി കണ്ട് ഇയാളെ ജീവനക്കാർ തടഞ്ഞ് നിർത്താൻ ശ്രമിച്ച സമയം അവരെ തട്ടി മാറ്റി മോഷ്ടാവ് മോഷ്ടിച്ച പണവും കൈയ്യിൽ വെച്ചുകൊണ്ട് അവിടെ നിന്ന് ഓടിപ്പോവുകയും ചെയ്ത വാൽപ്പാറ സ്വദേശിയായ പണ്ണി മേൽ വീട്ടിൽ കൃഷ്ണൻ 60 വയസ് എന്നയാളെ കൊടുങ്ങരിൽ നിന്നാണ് കൊടുങ്ങല്ലൂർ പോലീസ് അറസ്റ്റ് ചെയതത്. ഈ സംഭവത്തിന് കൊടുങ്ങല്ലൂർ ക്ഷേത്രത്തിലെ കൗണ്ട‍‌‌‍‍ർ അസിസ്റ്റന്റ് ആയി ജോലിചെയ്യുന്ന കോണത്തുകുന്ന് സ്വദേശിയായ വാഴവളപ്പിൽ സുബിലാഷ് 44 വയസ് എന്നയാളുടെ പരാതിയിൽ കൊടുങ്ങല്ലൂർ പോലീസ് സ്റ്റേഷനിൽ FIR രജിസ്റ്റർ ചെയ്തിരുന്നു. കൊടുങ്ങല്ലൂർ പോലീസ് സ്റ്റേഷൻ ഇൻസ്പെക്ടർ അരുൺ.ബി.കെ, സബ് ഇൻസ്പെക്ടർമാരായ സാലിം, സജിൽ എന്നിവർ ചേർന്നാണ് കൃഷ്ണനെ അറസ്റ്റ് ചെയ്തത്. കോടതിയിൽ ഹാജരാക്കിയ ഇയാളെ റിമാന്റ് ചെയ്തു.
കൊടുങ്ങല്ലൂർ ക്ഷേത്രത്തിലെ ഭണ്ടാരത്തിൽ നിന്ന് പണം മോഷ്ടിച്ചയാൾ റിമാന്റിൽ
