മുല്ലശ്ശേരി ഗ്രാമപഞ്ചായത്തിലെ പതിമൂന്നാം വാർഡിലെ തിരുവോണം ലിങ്ക് റോഡിൽ നിർമ്മിച്ച കൽവർട്ട് മുരളി പെരുനെല്ലി എം.എൽ.എ ഉദ്ഘാടനം നിർവഹിച്ചു.
മുല്ലശ്ശേരി ഗ്രാമപഞ്ചായത്തിലെ പതിമൂന്നാം വാർഡിലെ തിരുവോണം ലിങ്ക് റോഡിൽ നിർമ്മിച്ച കൽവർട്ട് മുരളി പെരുനെല്ലി എം.എൽ.എ ഉദ്ഘാടനം നിർവഹിച്ചു. എം.എൽ.എ ആസ്തിവികസന ഫണ്ടിൽ നിന്ന് പതിനഞ്ച് ലക്ഷം രൂപ ചെലവഴിച്ചാണ് നിർമ്മാണം പൂർത്തിയാക്കിയത്.
ചടങ്ങിൽ ഗ്രാമപഞ്ചായത്ത് പ്രസിഡന്റ് ശ്രീദേവി ജയരാജൻ അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്റ് ലതി വേണുഗോപാൽ മുഖ്യാതിഥിയായി. അസിസ്റ്റന്റ് എക്സിക്യൂട്ടീവ് എഞ്ചിനീയർ ധന്യ രവി റിപ്പോർട്ട് അവതരിപ്പിച്ചു.
ജില്ലാ പഞ്ചായത്ത് മെമ്പർ ബെന്നി ആന്റണി, ബ്ലോക്ക് പഞ്ചായത്ത് വികസന സ്റ്റാന്റിംഗ് കമ്മിറ്റി ചെയർമാൻ ഇ.വി. പ്രബീഷ്, വാർഡ് മെമ്പർ രാജശ്രീ ഗോപകുമാർ, വികസന സ്റ്റാന്റിംഗ് കമ്മിറ്റി ചെയർപേഴ്സൺ ശ്രീദേവി ഡേവീസ്, ജനപ്രതിനിധികൾ തുടങ്ങിയവർ പങ്കെടുത്തു.