ചാലക്കുടി : ചാലക്കുടി പോലീസ് സ്റ്റേഷൻ പരിധിയിലെ ചാലക്കുടി പാലസ് റോഡിലുള്ള അതിഥി തൊഴിലാളികൾ വാടകക്ക് താമസിക്കുന്ന വീട്ടിൽ കയറി മൊബൈൽ ഫോൺ മേഷ്ടിച്ചതിന് മൂർഷിദാബാദ് സ്വദേശിയായ ആഷിക് 26 വയസ് എന്നയാളെയാണ ചാലക്കുടി പോലീസ് അറസ്റ്റ് ചെയ്തത്.
ഇയാൾ കഴിഞ്ഞ 2 വർഷമായി ഷൊർണ്ണൂരിൽ ഹോട്ടൽ ജോലി ചെയ്തു വരികയായിരുന്നു. 2 ദിവസം മുമ്പാണ് ചാലക്കുടിയിൽ വന്നത്. 11-03-25 തീയതി പുലർച്ചെ 04.30 മണിയോടെ ആണ് ഇയാൾ മോഷണത്തിനായി ചാലക്കുടി പാലസ് റോഡിലുള്ള അതിഥി തൊഴിലാളികൾ താമസിക്കുന്ന വീട്ടിൽ കയറി വികാസ് കുമാറിന്റെ മൊബൈൽ ഫോൺ മോഷ്ടിച്ച് കൊണ്ടു പോകുന്നതിനിടെ റൂമിലെ താമസക്കാർ ഇയാളെ തടഞ്ഞ് വയ്ക്കുകയായിരുന്നു ചാലക്കുടി പോലീസ് സ്ഥലത്തെത്തി ഇയാളെ അറസ്ററ് ചെയ്തു. ചാലക്കുടി പോലീസ് ഇൻസ്പെക്ടർ സജീവ്. എം.കെ, സബ് ഇൻസ്പെക്ടർമാരായ പ്രദീപ്, ഋഷിപ്രസാദ്, അനിൽകുമാർ, സിവിൽ പോലീസ് ഓഫീസർ മാരായ പ്രദീപ്, ബിനു എന്നിവർ ചേർന്നാണ് പ്രതിയെ അറസ്റ്റ് ചെയ്തത്.
