ചാലക്കുടി : ചാലക്കുടി പോലീസ് സ്റ്റേഷൻ പരിധിയിലെ വേളൂക്കരയിലെ വിക്ടോറിയ ബാറിൽ വച്ച് ബാർ ജീവനക്കാരനെ ആക്രമിക്കുകയും ബാറിൽ നാശ നഷ്ടങ്ങൾ വരുത്തുകയും ചെയ്ത സംഭവത്തിലെ പ്രതികളിൽ ഒരാളായ പരിയാരം സ്വദേശിയായ അറക്കൽ വീട്ടിൽ ജിജോ 34 വയസ്സ് എന്നയാളെയാണ് ചാലക്കുടി പോലീസ് അറസ്റ്റ് ചെയ്തത്.
വിക്ടോറിയ ബാറിൽ 13–04-2025 വൈകീട്ട് 5.30 മണിക്ക് ബാറിലെ ബാർമാൻ ആയി ജോലി ചെയ്തുവരുന്ന കോട്ടയം സ്വദേശി വെള്ളാവൂർ വില്ലേജിൽ, കടയിരിക്കാട് ദേശത്ത്, കരിമ്പനിൽ വീട്ടിൽ, ജയകുമാർ (45വയസ്സ്) എന്നയാളെ ജിജോയും കുറ്റിക്കാട് സ്വദേശികളായ കോട്ടക്കവീട്ടിൽ ലിജോ (30 വയസ്സ്), സഹോദരൻ ലിൻ്റോ (28 വയസ്സ്), എന്നിവരും സുഹൃത്തുക്കളും ചേർന്ന് മദ്യപിച്ചു കൊണ്ടിരുന്ന ടേബിളിലേക്ക് ടച്ചിംഗ്സ് കൊണ്ടു കൊടുക്കാത്ത കാരണം പറഞ്ഞ് കൈ കൊണ്ട് അടിക്കുകയും വെള്ളം നിറഞ്ഞ ജെഗ്ഗ് കൊണ്ട് തലയിലടിക്കുകയും ജയകുമാറിന്റെ ഇടതു കൈത്തണ്ടയിലും, ഇടതു ചെവിയുടെ മുകളിലായി തലയിലും ജെഗ്ഗ് കൊണ്ടു ഗുരുതരമായ പരുക്കുകൾ സംഭവിക്കുന്നതിനും അടുക്കളയിൽ അതിക്രമിച്ചു കയറി ജീവനക്കാരെ ഭീഷണിപ്പെടുത്തിയും തുടർന്ന് മദ്യകുപ്പികളും , സോഡ കുപ്പികളും , ബാറിൻെറ മുൻവശം ഗ്ലാസും തല്ലിത്തകർത്തതിൽ 80,000 രൂപയുടെ നഷ്ടം സംഭവിക്കുന്നതിനും ഇടയാക്കിയ സംഭവത്തിന് ബാർ ജീവനക്കാരുടെ പരാതിയിൽ FIR രജിസ്റ്റർ ചെയ്തിരുന്നു.
ഈ കേസിലെ പ്രതികളിൽ ഒരാളായ ജിജോയെ ഇന്നലെ 15-04-2025 തിയ്യതി വൈകീട്ടാണ് അറസ്റ്റ് ചെയ്തത്. കൂട്ടുപ്രതികളും സഹോദരങ്ങളായ പരിയാരം കുറ്റിക്കാട് സ്വദേശികളായ കോട്ടക്ക വീട്ടിൽ ലിജോ (30 വയസ്സ്), സഹോദരൻ ലിൻ്റോ (28 വയസ്സ്) എന്നിവരെ നേരത്തേ കോടതിയിൽ ഹാജരാക്കി ജയിലിലടച്ചിരുന്നു. ചാലക്കുടി പോലീസ് സ്റ്റേഷൻ ഇൻസ്പെക്ടർ എം കെ സജീവ് , സബ്ബ് ഇൻസ്പെക്ടർമാരായ ഋഷിപ്രസാദ് , സിജു മോൻ ,ജോഫി ജോസ് , എ എസ്സ് ഐ ജിബി , സിവിൽ പോലീസ് ഓഫീസർമാരായ ആൻസൻ പൗലോസ് , സോനു, അരുൺകുമാർ . കെ . കെ എന്നിവർ ചേർന്നാണ് പ്രതിയെ പിടികൂടിയത്.
