തൃശൂർ സെന്റ് തോമസ് കോളേജിലെ മീഡിയ വിഭാഗവും ഇന്റർനാഷണൽ ഫിലിം ഫെസ്റ്റിവൽ ഓഫ് തൃശ്ശൂരും സംയുക്തമായി സംഘടിപ്പിക്കുന്ന നാഷണൽ ഡോക്യൂമെന്ററി ഷോർട്ട് ഫിലിം ഫെസ്റ്റിവലിന്റെ ഉദ്‌ഘാടനം പ്രിൻസിപ്പൽ ഫാ. ഡോ. മാർട്ടിൻ കെ എ നിർവഹിച്ചു. ഫാ. ഫിജോ ജോസഫ് സ്വാഗതം പറഞ്ഞ ചടങ്ങിൽ ഇന്റർനാഷണൽ ഫിലിം ഫെസ്റ്റിവൽ ഓഫ് തൃശ്ശൂർ ഡയറക്ടർ ചെറിയാൻ ജോസഫ് ആശംസകൾ നേർന്നു. മീഡിയ സ്റ്റഡീസ് വിഭാഗം മേധാവി ജോസഫ് ജേക്കബ് നന്ദി പറഞ്ഞു.
രണ്ടുദിവസമായി നടക്കുന്ന ഫെസ്റ്റിവലിലേക്ക് നൂറ്റിയറുപതിൽപരം എൻട്രികളാണു ലഭിച്ചത്. അറുപത്തിൽ കൂടുതൽ ചിത്രങ്ങളാണ് കോളേജിലെ മെഡിലിക്കോട്ട്, മേനാച്ചേരി ഹാളുകളിൽ പ്രദർശനത്തിനെത്തു ന്നത്. സമാപന ദിവസമായ നാളെ രാവിലെ 11 മണിക്ക് മികച്ച ഫിലിം, ഡോക്യൂമെന്ററി, എഡിറ്റർ, സിനിമട്ടോഗ്രാഫർ, സ്പെഷ്യൽ ജൂറി മെൻഷൻ എന്നീ അവാർഡുകൾ പ്രഖ്യാപിക്കും.
