ആനന്ദപുരം ലിറ്റില്‍ഫ്‌ളവര്‍പള്ളിയില്‍ പുതുതായി പണികഴിപ്പിച്ച മണിമാളികയുടെ ആശീര്‍വ്വാദകര്‍മ്മം ഇരിങ്ങാലക്കുട രൂപതാദ്ധ്യക്ഷന്‍ മാര്‍ പോളീകണ്ണൂക്കാടന്‍ നിര്‍വ്വഹിച്ചു.
ആനന്ദപുരം ലിറ്റില്‍ഫ്‌ളവര്‍പള്ളിയില്‍ പുതുതായി പണികഴിപ്പിച്ച മണിമാളികയുടെ ആശീര്‍വ്വാദകര്‍മ്മം ഇരിങ്ങാലക്കുട രൂപതാദ്ധ്യക്ഷന്‍ മാര്‍ പോളീകണ്ണൂക്കാടന്‍ നിര്‍വ്വഹിച്ചു. അതോടനുബന്ധിച്ച് ആനന്ദപുരം ഇടവകാംഗമായ ദൈവദാസന്‍ കനിസിയൂച്ചന്റെ ഓര്‍മ്മക്കായിപണി കഴിപ്പിച്ചിട്ടുള്ള കനിസ്യാലയം ദൈവജനത്തിനായി തുറന്നുകൊടുത്തു. തുടര്‍ന്ന് നടന്ന പൊതുസമ്മേളനം കേരളസംസ്ഥാന ഉന്നതവിദ്യാഭ്യാസവകുപ്പ് മന്ത്രി ഡോ.ആര്‍.ബിന്ദു ഉദ്ഘാടനം ചെയ്തു. ഇരിങ്ങാലക്കുടരൂപതാദ്ധ്യക്ഷന്‍ മാര്‍ പോളീകണ്ണൂക്കാടന്‍ അദ്ധ്യക്ഷത വഹിച്ച ചടങ്ങില്‍ മുരിയാട് ഗ്രാമപഞ്ചായത്ത് പ്രസിഡന്റ് ജോസ്.ജെ.ചിറ്റിലപ്പിള്ളി, സിഎംഐ ദേവമാതാ പ്രൊവിന്‍ഷ്യല്‍ സുപ്പീരിയര്‍ ഫാ.ജോസ് നന്തിക്കര, പ്രജ്യോതി നികേതന്‍ കോളേജ്ജ് ഡയറക്ടര്‍ ഫാ.ഡോ.ഹര്‍ഷജന്‍ പഴയാറ്റില്‍, ആര്‍കിടെക്റ്റ് ബാബു ജോസ്, മതബോധന എച്ച്.എം.സിജു ജോണി എന്നിവര്‍ ആശംസകള്‍ അര്‍പ്പിച്ച് സംസാരിച്ചു. മതബോധനദിത്തോടനുബന്ധിച്ച് സമ്മാനര്‍ഹരായകുട്ടികളെ ആദരിച്ചു. പരിപാടിക്ക് ഫാ.ആന്റോകരിപ്പായി സ്വാഗതവും, ജനറല്‍കണ്‍വീനര്‍ ഐ.ഇആര്‍.ജോയ് നന്ദിയും അര്‍പ്പിച്ചു. കൈക്കാരന്‍മാരായ ജോയ് ഇല്ലിക്കല്‍, ആന്റോ പൊതപറമ്പില്‍, ജോയ് പൊതപറമ്പില്‍ എന്നിവര്‍ പരിപാടിക്ക് നേതൃത്വം നല്‍കി. യോഗാന്തരം ഫാ.ബെന്‍സി ചീനാന്റെ നേതൃത്വത്തില്‍ സ്ട്രീറ്റ്‌ലൈറ്റ് ചാലക്കുടിയുടെ ഡിജെനൈറ്റും ഉണ്ടായിരുന്നു.
