മാടക്കത്തറ ഗ്രാമപഞ്ചായത്തിലെ ഏഴു പ്രദേശങ്ങളിലായി എംഎൽഎ ഫണ്ട്‌ വിനിയോഗിച്ച് സ്ഥാപിച്ച മിനിമാസ്റ്റ് ലൈറ്റുകൾ റവന്യൂ വകുപ്പ് മന്ത്രി കെ. രാജൻ ഉദ്ഘാടനം ചെയ്തു. പേര, കറപ്പൻചിറ, വാരിക്കുളം, പുല്ലുകുളം, വെള്ളാനിക്കര മുസ്ലിം പള്ളി പരിസരം, മാടക്കത്തറ പള്ളി പരിസരം, മാടക്കത്തറ സബ് സെൻ്റർ എന്നിവിടങ്ങളിലാണ് ലൈറ്റുകൾ സ്ഥാപിച്ചത്.
ചടങ്ങിൽ പഞ്ചായത്ത് പ്രസിഡന്റ് ഇന്ദിരമോഹൻ അധ്യക്ഷത വഹിച്ചു. സ്റ്റാൻഡിങ് കമ്മിറ്റി അധ്യക്ഷൻമാരായ സാവിത്രി രാമചന്ദ്രൻ, പ്രശാന്ത്, പുഷ്പ ചന്ദ്രൻ, വാർഡ്‌ മെമ്പർമാർ തുടങ്ങിയവർ സന്നിഹിതരായിരുന്നു.
