അതിരപ്പിള്ളി: റസ്റ്റോറന്റിലെ ജോലി ചെയ്യുന്ന അന്യസംസ്ഥാന തൊഴിലാളിയുടെ മൊബൈൽ ഫോൺ മോഷ്ടിച്ച പ്രതിയെ അതിരപ്പിള്ളി പോലീസ് അറസ്റ്റ് ചെയ്തു. 19.06.2025 തിയ്യതി രാത്രി 11 മണിക്കും 20.06.2025 തിയ്യതി രാവിലെ 06.00 മണിക്കും ഇടയിൽ അതിരപ്പിള്ളിയിൽ ചാക്കോസ് റസ്റ്റോറന്റ് നടത്തുന്ന ചാക്കോ (62), പുല്ലോക്കാരൻ വീട്, വീരൻചിറ എന്നയാളുടെ കടയിൽ ജോലി ചെയ്യുന്ന ആസാം സ്വദേശിയായ രാഹുൽ എന്ന തൊഴിലാളിയുടെ 12.000 രൂപ വില വരുന്ന മൊബൈൽ ഫോൺ മോഷണം ചെയ്ത കാര്യത്തിന് ഇന്നലെ റസ്റ്റോറന്റിൽ ആദ്യമായി ജോലിക്ക് വന്ന അബുൽഹസ്സൻ (28 വയസ്സ്), ഹസ്സൻ ഡാകിൻ ആഷിനഗർ, നിൽബഗൻ P O, ഹോജായ് ജില്ല, ആസാം എന്നയാളെ അതിരപ്പിള്ളി പോലീസ് സ്റ്റേഷൻ ഇൻസ്പെക്ടർ ബിജു വി.യുടെ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തു. നടപടിക്രമങ്ങൾക്ക് ശേഷം പ്രതിയെ ഇന്ന് കോടതിയിൽ ഹാജരാക്കും. അതിരപ്പിള്ളി പോലീസ് സ്റ്റേഷൻ ഇൻസ്പെക്ടർ ബിജു വി., സബ് ഇൻസ്പെക്ടർ അനിൽ TD, എ എസ് ഐ ഹാരിസ്, എന്നിവർ ചേർന്നാണ് പ്രതിയെ അറസ്റ്റ് ചെയ്തത്.
റസ്റ്റോറന്റിലെ ജോലി ചെയ്യുന്ന അന്യസംസ്ഥാന തൊഴിലാളിയുടെ മൊബൈൽ ഫോൺ മോഷ്ടിച്ച പ്രതി റിമാന്റിലേക്ക്
