ഇരിങ്ങാലക്കുട: നൂറോളം സിനിമകളിലും നാടകങ്ങളിലും അഭിനയിച്ച പ്രമുഖ അഭിനേത്രിയും സഹനടിയുമായ ആളൂർ എൽസിയെ പു.ക.സ ടൗൺ യൂണിറ്റ് ഇരിങ്ങാലക്കുട അവരുടെ വസതിയിൽ ചെന്ന് ആദരിച്ചു. സിനിമാ – നാടക ജീവിതാനുഭവങ്ങളും ഓർമ്മകളും പങ്കുവെച്ച അഭിനേത്രി വനിതാദിന സന്ദേശങ്ങൾ കൈമാറുകയും ചെയ്തു.
ടൗൺ യൂണിറ്റ് സെക്രട്ടറി ഷെറിൻ അഹമ്മദ്,ഗാനരചയിതാവും എഴുത്തുകാരനുമായ ഖാദർ പട്ടേപ്പാട്ടം, പു ക സ സംസ്ഥാന കമ്മിറ്റിയംഗം റെജില ഷെറിൻ, സനോജ് രാഘവൻ, മുരളി നടക്കൽ, അമൻ അഹമ്മദ് എന്നിവർ ചടങ്ങിൽ പങ്കെടുത്തു.
