വർധിച്ചു വരുന്ന തെരുവുനായ ശല്യത്തിനെതിരെ ട്വൻറി20 ചാലക്കുടി നിയോജക മണ്ഡലം കമ്മിറ്റി സംഘടിപ്പിച്ച നില്പ്സമരം തെരുവുനായ വിമുക്ത കേരളസംഘം ചെയർമാൻ ജോസ് മാവേലി ഉദ്ഘാടനം ചെയ്യുന്നു. നിയോജകമണ്ഡലം ഭാരവാഹികളായ സണ്ണി ഗോപുരൻ, സിജുമോൻ ജോസഫ്, PD വർഗീസ്, ഷിബു VP, ജോൺ അവറാസ്, ജോഷി കാട്ടാളൻ, ഷീജാ ജോർജ്, സൗദാ ബീവി, വിൻസെന്റ് പടമാടൻ തുടങ്ങിയവർ സമീപം
വർധിച്ചു വരുന്ന തെരുവുനായ ശല്യത്തിനെതിരെ നില്പ്സമരം സംഘടിപ്പിച്ച് ട്വൻറി20 ചാലക്കുടി നിയോജക മണ്ഡലം കമ്മിറ്റി. അധികൃതരുടെ അനാസ്ഥ മൂലം ചാലക്കുടി ടൗണിൽ തെരുവുനായകളുടെ എണ്ണം ഭയാനകമായ രീതിയിൽ വർദ്ധിച്ചിരിക്കുകയാണ്. ഇതിനെതിരെ സർക്കാർ അനങ്ങാപ്പാറ നയം സ്വീകരിക്കുകയാണ്. അടിയന്തരമായി മുഖ്യമന്ത്രി സർവ്വകക്ഷി യോഗം വിളിച്ച് സംസ്ഥാന വ്യാപകമായ ഈ സാമൂഹ്യ വിപത്തിനെതിരെ നടപടിയെടുക്കണമെന്ന് തെരുവുനായ വിമുക്ത കേരളസംഘം ചെയർമാൻ ജോസ് മാവേലി ഉദ്ഘാടന പ്രസംഗത്തിൽ ആവശ്യപ്പെട്ടു. ദിനംപ്രതി നിരവധി പേരാണ് തെരുവു പട്ടികളുടെ വിവിധ തരത്തിലുള്ള ആക്രമണത്തിന് ഇരയായി ശയ്യാവലംബികളാകുന്നത്. സ്ത്രീകൾക്കും കുട്ടികൾക്കും പട്ടികളെ പേടിച്ച് വഴിയിലിറങ്ങി നടക്കാൻ സാധിക്കാത്ത അവസ്ഥയാണ്. ഈ അവസ്ഥയ്ക്ക് അറുതി വരുത്താൻ ജനക്ഷേമ പാർട്ടിയായ ട്വൻ്റി 20 പാർട്ടി പ്രതിജ്ഞാബദ്ധമാണെന്ന് മണ്ഡലം പ്രസിഡൻ്റ് സണ്ണി ഗോപുരൻ പറഞ്ഞു.നിയോജകമണ്ഡലം ഭാരവാഹികളായ സിജുമോൻ ജോസഫ്, PD വർഗീസ്, ഷിബു VP, ജോൺ അവറാസ്, ജോഷി കാട്ടാളൻ, ഷീജാ ജോർജ്, സൗദാ ബീവി, വിൻസെന്റ് പടമാടൻ തുടങ്ങിയവർ പ്രസംഗിച്ചു.
