കൊടകര : ഷെയർ ട്രേഡിങ്ങിനായി പണം നൽകിയാൽ പണത്തിൻെറ ഇരട്ടിയായി ലാഭവിഹിതം തരാമെന്ന് പറഞ്ഞ് വിശ്വസിപ്പിച്ച് 24.12.2024 തിയ്യതി മുതൽ 11.01.2025 തിയ്യതി വരെയുള്ള കാലയളവിൽ പല തിയ്യതികളിലായി കൊടകര കനകമല സ്വദേശിയുടെ ബാങ്ക് അക്കൗണ്ടുകളിൽ നിന്നും പല തവണകളായി പ്രതികളുടെ വിവിധ അക്കൗണ്ട് നമ്പറുകളിലേക്ക് ₹.5,43,329/- (അഞ്ച് ലക്ഷത്തി നാൽപത്തി മൂന്നായിരത്തി മുന്നൂറ്റി ഇരുപത്തി ഒമ്പത്) രൂപ ട്രാൻസ്ഫർ ചെയ്യിപ്പിച്ച് ട്രേഡിങ്ങ് നടത്തിച്ച് ലാഭ വിഹിതമോ നിക്ഷേപിച്ച പണമോ തിരികെ നൽകാതെ തട്ടിപ്പ് നടത്തിയതിനാണ് പെരിന്തൽമണ്ണ കീഴാറ്റൂർ മുടവന്തോടി വീട്ടിൽ ഖാദർ മകൻ മുഹമ്മദ് സക്കറിയ 35 വയസ്സ് എന്നയാളെ അറസ്റ്റ് ചെയ്തത്. പ്രതി കൊടകര കനകമല സ്വദേശിയെ ഷെയർ വാങ്ങിച്ചാൽ ഇരട്ടിയായി തുക തിരിച്ച് നൽകാമെന്ന് വിശ്വസിപ്പിച്ച് Instagram App മുഖേന ലിങ്ക് അയച്ച് കൊടുത്ത് ഷെയർ Trading ബിസിനസ് നടത്തിച്ച് VIP807-Trading Gurukul എന്ന ഒരു WhatsApp ഗ്രൂപ്പിലും, SMC Global Securities Customer Care എന്ന ഒരു WhatsApp Id യിലും Add ചെയ്ത് WhatsApp ഗ്രൂപ്പിലൂടെ നിർദ്ദേശങ്ങൾ നൽകി ഷെയറുകൾ വാങ്ങിക്കുന്നതിനായി play store ൽ നിന്ന് SMCSTK എന്ന App ഇൻസ്റ്റാൾ ചെയ്യിപ്പിച്ച് ഈ App മുഖേന പ്രതികൾ നിർദ്ദേശിക്കുന്ന ബാങ്ക് അക്കൗണ്ടുകളിലേക്ക് പരാതിക്കാരിയുടെ ഭർത്താവിന്റെ രണ്ട് അക്കൗണ്ടിൽ നിന്നായി പ്രതികളുടെ പല അക്കൗണ്ട് നമ്പറുകളിലേയ്ക്കായി ₹.5,43,329/- (അഞ്ച് ലക്ഷത്തി നാൽപത്തി മൂന്നായിരത്തി മുന്നൂറ്റി ഇരുപത്തി ഒമ്പത്) രൂപ അയപ്പിച്ച് വാങ്ങിയാണ് തട്ടിപ്പ് നടത്തിത്. ഈ സംഭവത്തിന് കനകമല സ്വദേശിയുടെ പരാതിയിൽ 21-01-2025 തിയ്യതി കൊടകര പോലീസ് സ്റ്റേഷനിൽ FIR രജിസ്റ്റർ ചെയ്യുകയായിരുന്നു.
അന്വേഷണത്തിൽ നിന്നും തട്ടിപ്പ് പണത്തിൽ ഉൾപ്പെട്ട ₹.24,998/ (ഇരുപത്തിനാലായിരത്തി തൊണ്ണായിരത്തി തൊണ്ണൂറ്റിയെട്ട് രൂപ) 01-01-2025 തിയ്യതി സൂററ്റിലുള്ള M/S Piyu Creation എന്ന സ്ഥാപനത്തിന്റെ അക്കൗണ്ടിലേക്ക് ട്രാൻസ്ഫർ ആയതായും തുടർന്ന് ഈ അക്കൗണ്ടിൽ നിന്ന് ₹.4,50,000/- (നാല് ലക്ഷത്തി അമ്പതിനായിരം രൂപ) വയനാട് മാടക്കര ആനപ്പാറ സ്വദേശിയായ അഭിലാഷ് 44 വയസ് എന്നയാളുടെ അമ്പലവയലിലുള്ള ബാങ്ക് അക്കൗണ്ടിലേക്ക് ട്രാൻഫർ ചെയ്തതായും ഈ തുക ATM മുഖേന പിൻവലിച്ചിരിക്കുന്നതായും കണ്ടെത്തി കൊടകര പോലീസ് വയനാട്ടിൽ ചെന്ന് അഭിലാഷിന് നോട്ടീസ് നൽകി ചോദ്യം ചെയ്തതിൽ വയനാട് സ്വദേശികളായ മുഹമ്മദ് ഷാഫിയും ഡെന്നിയും ഇടനിലക്കാരായി നിർത്തി സക്കറിയ ആണ് അഭിലാഷിന്റെ അക്കൗണ്ടിലേക്ക് പണമയപ്പിക്കുന്നതെന്നും അത് അഭിലാഷിനെക്കൊണ്ട് എടുപ്പിച്ച് പണം കൈപ്പറ്റി കൊണ്ട് പോകുന്നതായി കണ്ടെത്തുകയായിരുന്നു. ഇത്തരത്തിൽ തട്ടിപ്പ് സംഘത്തിൽ ഉൾപ്പെട്ടതിനാൽ മുഹമ്മദ് ഷാഫിയെയും, ഡെന്നിയെയും അറസ്റ്റ് ചെയ്തു മുൻപ് റിമാൻഡ് ചെയ്തിരുന്നു. ഇത്തരത്തിൽ ഇവർ അഭിലാഷിനെ പോലെ പലരുടെയും അക്കൗണ്ടിൽ ലേക്കും പണം അയച്ചു അതും കൈപ്പറ്റിയതായും കണ്ടെത്തിയിട്ടുണ്ട്.
വിദേശത്തായിരുന്ന സക്കറിയ നാട്ടിൽ എത്തിയത് അറിഞ്ഞു കോഴിക്കോട് നിന്നും കസ്റ്റഡിയിൽ എടുത്ത് അറസ്റ്റ് ചെയ്തു റിമാൻഡ് ചെയ്തിട്ടുള്ളത്. തൃശൂർ റൂറൽ ജില്ലാ പോലീസ് മേധാവി ബി.കൃഷ്ണകുമാർ IPS ന്റെ മാർഗനിർദ്ദേശാനുസരണം കൊടകര പോലീസ് സ്റ്റേഷൻ ഇൻസ്പെക്ടർ, ദാസ്.പി.കെ, സബ് ഇൻസ്പെക്ടർ സുരേഷ്.ഇ.എ, അസി. സബ് ഇൻസ്പെക്ടർ സജു പൗലോസ്, ബിനു പൗലോസ്, ലിജോൺ, സീനിയർ സിവിൽ പോലീസ് ഓഫീസർ പ്രദീപ്, പ്രിന്റോ വർഗീസ്, സിവിൽ പോലീസ് ഓഫീസർ ജിലു സെബാസ്റ്റ്യൻ എന്നിവരാണ് അന്വേഷണ സംഘത്തിൽ ഉണ്ടായിരുന്നത്.
