സമഗ്ര ശിക്ഷാ കേരളം ബി.ആർ.സി മാളയുടെ കീഴിൽ അന്നമനട ഗ്രാമപഞ്ചായത്തിൽ പ്രവർത്തിക്കുന്ന ഓട്ടിസം സെന്ററിലെ പ്രവേശനോത്സവം അഡ്വ. വി.ആർ. സുനിൽകുമാർ എം.എൽ.എ ഉദ്ഘാടനം ചെയ്തു. നവാഗതരായ കുട്ടികളെ വർണപ്പൂക്കൾ നൽകി എം.എൽ.എ സ്വീകരിച്ചു.
ഓട്ടിസം ഉൾപ്പെടെ ഭിന്നശേഷിയുള്ള കുട്ടികളെ സമൂഹം അവഗണിക്കരുതെന്ന് എം.എൽ.എ പറഞ്ഞു. ഭിന്നശേഷിയുള്ള കുട്ടികളുടെ സ്കൂൾ വിദ്യാഭ്യാസം ഉറപ്പാക്കാൻ രക്ഷിതാക്കൾ മുൻപന്തിയിൽ നിൽക്കണം. സർക്കാർ എല്ലാ പിന്തുണയും ഒരുക്കിയിട്ടുണ്ടെന്നും എം.എൽ.എ പറഞ്ഞു.
അന്നമനട ഗ്രാമപഞ്ചായത്ത് പ്രസിഡന്റ് പി.വി. വിനോദ് അധ്യക്ഷത വഹിച്ചു. പഞ്ചായത്തംഗം രവി നമ്പൂതിരി, മാള ബി.ആർ.സി. ബി.പി.സി. ഡോ. ലിജു പി എന്നിവർ സംസാരിച്ചു. തുടർന്ന് കുരുന്നുകളുടെ കലാപരിപാടികളും പഠനോപകരണ വിതരണവും നടന്നു.
