#WatchNKVideo here
തൃശൂര്‍: സൈക്കിളില്‍ മൂന്ന് മണിക്കൂറിനകം കോയമ്പത്തൂരില്‍ നിന്ന് തൃശൂരിലെത്തിയ കോയമ്പത്തൂര്‍ സ്വദേശി ജി.ഡി.വിഷ്ണുറാമിന് ഇന്ത്യ ബുക്ക് ഓഫ് റെക്കോര്‍ഡ്‌സിന്റെ അംഗീകാരം. സൈക്കിള്‍ സവാരിയില്‍ നൂറ് കിലോ മീറ്റര്‍ ദൂരം എറ്റവും കുറഞ്ഞ സമയത്തിനകം വിജയകരമായി പൂര്‍ത്തിയാക്കിയാണ് വിഷ്ണുറാം റെക്കോര്‍ഡ് ബുക്കില്‍ ഇടം നേടിയത്.
ഇന്ന് ഉച്ചയ്ക്ക് കൃത്യം 2.22ന് കോയമ്പത്തൂര്‍ ശ്രീകൃഷ്ണ എഞ്ചിനീയറിംഗ് കോളേജില്‍ നിന്നാണ് വിഷ്ണു ഏകാംഗനായി സൈക്കിള്‍ യജ്ഞം തുടങ്ങിയത്. വൈകീട്ട് അഞ്ചര മണിക്ക് മുന്നേ തൃശൂര്‍ ഹൈറോഡിലെ പോലീസ് കമ്മീഷണര്‍ ഓഫീസിന് മുന്നില്‍ സൈക്കിള്‍ സവാരി സമാപിച്ചു. കമ്മീഷണര്‍ ആര്‍.ആദിത്യ ഐ.പി.എസ് വിഷ്ണുറാമിനെ അഭിനന്ദിച്ചു.
കോവിഡ് പ്രതിരോധവാക്‌സിനേഷന്‍ നൂറ് ശതമാനം പൂര്‍ത്തീകരിക്കാനുള്ള ബോധവത്കരണ സന്ദേശവുമായിട്ടായിരുന്നു വിഷ്ണുവിന്റെ സൈക്കിള്‍ യാത്ര.
Watch video here……………
